بالصور - قطر الحياة - احمد مكى

mostafa رقم العضوية : 1

.

قطر الحياة

[ندعوك للتسجيل في المنتدى أو التعريف بنفسك لمعاينة هذا الرابط]

نفسي اهرب من نفسي ومن حالتي ومن عيلتي ومن الدنيا

نفسي القي دنيا تانيه اهرب ليها لو حتي ثانيه

وفي يوم قالهالي صحبي واللي يدلك ع الطريق
ميفيدش الصاحب غير صاحبه اسمع من الصديق

قالي في قعدة ضرب حلوه بليل عاملينها
سالته هاش ضحك قالي بيسه قولتله لممها

قالي متخفش مش ممكن تدمن من اول شكة
اقنعني بليل فعلا شكيت بيه اول شكه

مفاصلي ساحت وارتاحت وروحي راحت
بكلم نفسي من جوه وبرغي ومن بره ساكت

همومي شبه تاهت والرؤيه باهت في باهت
كل مشكله كانت عندي في الدنيا ماتت وتاهت

عدت ساعات في ثانيه لقيت الصحبه قايمه
دخلت بيتي وش الفجر عيلتي كانت نايمه

دفنت نفسي تحت البطانيه جسمي متلج
نمت ف اقل من ثانيه نومه واحد متبنج

قطر الحياه بيعدي بسرعه
سنه ف سنه ف سنه
وانا زي ما انا لما كان عندي سنه

هيا هيا الحياة هو هو دا انا
زهقت طهقت من الحياة تقدر تقول مليت

خلتني كنت رجعت تاني للواقع والعكننه
عدي النهارردا بطئ كانه كام شهر او سنه

نفسي النهار يعدي بسرعه واضرب تاني
هرجع ملك زماني بعيد عن العالم

خلوني اضرب معاهم كل يوم وبتعزم
خلاص دخلت السكه والطريق بيترسم

فاجئني صحبي ف يوم قلهالي في وشي خف تعوم
اجيب فلوس منين ليا وليك نضرب كل يوم

شخشخ جيبك يا من قعدتنا دي تكون محروم
من النهارده مفيش ضرب ببلاش مفهوم مفهوم

روهت وتاني يوم في معاد الضرب جسمي اتكهرب
كرابيك في ظهري ومنخيري سايله وبتسرب

عاوز اضرب ومنين اجيب فلوس منين اجيب فلوس
بدات استلف من كل اللي اعرفه وادوس

وحتي اخواتي خدت منهم ياما فلوس دروس
كله كرهني وبيهرب مني لاني بتاع فلوس

خمسين جنيه في خمسين في ميه في ميه
بسرق يوماتي فلوس من البيت وكله شك فيا

نزلت بعت كل حاجه جاتلي في يوم هديه
خلصت فلوس لحد في يوم ماجاتلي فكره هيه

هيا .. دهب امي وموبايل اختي ولاب توب اخويا
سرقتهم نزلت اهرب من البيت وقفني ابويا

حاول يمنعني مسكني من ايدي جامد زقيته
اتخبط في الحيط وبصلي ازاي ابنه واذيته

خد مني كل حاجه وتربس الباب غضب
ساعتها طلبت اغرب حاجه ممكن تطلب

عاوز فلوس حالا يا اما هرتكب جريمه
اتهمني بالجنون واداني كام شتيمه

ببان كل الاوض بتتفتح عيلتي بتتفرج
لسه بيستوعبوا يمكن دا جد يمكن بنهرج

سحبت بنت اختي 3 سنين ناحيه شباك
هاتوا الفلوس لارميها فجاه زاد الارتباك

امي بكت بحرقة قدامي فقت لثواني
رمتلي فلوس وبصوت عالي مشوفش وشك تاني

امشي ملكش ام يا ابغض من شيطاني
خدت الفلوس وجريت عارف مش راجع بيتي تاني

قطر الحياه بيعدي بسرعه
سنه ف سنه ف سنه
وانا زي ما انا لما كان عندي سنه

هيا هيا الحياه هو هو دا انا
زهقت طهقت من الحياة تقدر تقول مليت

خسرت كل اهلي وصحابي بقيت وحيد
ومنين هجيب فلوس لازم القي طريق جديد

فجاه افتكرت جار من سني ساكن لوحده طول عمره
ابوه في اعاره بره مصر وشهري فلوس يبعتله

شديته زي ما اتشديت انا لنفس الطريق
لقيت مصدر فلوس جددي وبيته لقيت صديق

نضرب سوي بفلوسه وفي بيته ملناش ظهور
شقا سنين ابوه خلص كله في اربع شهور

وفي ليله بنضرب جاتله مكالمه مصدقهاش
ابوه عرف ان ابنه بيسرقه اتنقل انعاش

كل عصب في جسمي اتوتر زودت الجرعه اكتر
الجرعه المعتاده خلاص مبقتش تأثر

شريط حياتي بيتعرض قدامي لخبر فاخبر
ضربت سنجه في عروقي زودته اكتر واكتر

نفسي افني واخلص من الدنيا زي الميه اتبخر
كمان زودت سنه جسمي كله اتلون اصفر

صحبي اتفزع قام واتسرع مالك اصفر ليه يا جدع
جسمك عرقات وبتترعش زي اللي م الحيه اتلدع

رغم اني غرقان م العرق جسمي متلج موجوع وجع
من خضتي جيت اصلب طولي جسمي ع الارض اترزع

جسمي رافض كل امر مني القوة اتهدمت
والدنيا بتضلم تدريجي وواحدة واحدة اسودت

اخر لقطه في حياتي شوفتها كانت ماساه
صحبي مرعوب وبيراقب فراقي للحياة

قطر الحياة بيعدي بسرعه
سنه ف سنه ف سنه
وانا زي ما انا لما كان عندي سنه

هيا هيا الحياه هو هو دا انا
زهقت طهقت من الحياه تقدر تقول مليت انا

عمري بسرعه انتهي رجعت شريط حياتي
ملقتش في حاجه عدله تتذكرلي عملتها

حياتي راحت مني كلها ضيعتها
ندمنان عل كل لحظة غمقي في يوم انا عشتها

يارب اديني فرصة تاني ارجع للحياة
همشي في طريقي صح لحد اخر المنتهي

دي حاجه صعبه فعلا انك تختفي م الدنيا

والناس مبتفتكركش بحاجه حلوه لوجه الله

.

» بالصور - فيس بوكي - احمد مكى
» بالصور -أوايفيا مون
» بالصور - كاديلاك E L R